काठमाडौं जेठ २७ गते ।
सत्तारुढ नेकपाका नेता देबेन्द्र पौडेलले पार्टीले आधिकारिक निर्णय नगरेसम्म संसदबाट एमसीसी पारित हुन नसक्ने बताएका छन्।
उनले आजको संचिवालय बैठकमा एमसीसी, नयाँ नक्सामा समावेश गरिएका लिम्पियाधुरा, लिपुलक र कालापानी र संविधान संशोधनका विषयमा छलफल हुने बताउँदै संसदबाट एमसीसी पारित नहुने दाबी गरेका हुन् ।
नेता पौडेलले संसदमा लामो समयदेखि रहेको एमसीसी परियोजनाका विषयमा पार्टीले पारित गर्न के के बुँदाहरुमा परिमार्जन गर्ने र नेताहरुले उठाउदै आएको विषयलाई कसरी सम्बोधन गर्ने भन्ने विषयमा छलफल गर्दै आएका छन् ।
उनले राष्ट्रियतासँग जोडिन आएकाले एमसीसीलाई पारित गर्ने या नगर्ने कुराको छिनोफानो गर्नुपर्ने भन्दै नयाँ नक्सालाई संविधान समावेश गराउनका लागि संविधान संशोधनको प्रक्रियालाई कसरी अगाडी बढाउने र भारत सरकारसँग कुन ढंगले वार्ताको प्रक्रिया सुरु गर्ने भन्न विषयलाई चाँडै टुग्याउन आवस्यक भएको धारणा राखेका छन् ।
नेता पौडेलले पार्टीलाई र सरकारलाई कसरी अगाडी लाने भन्ने विषयमा पार्टीका दुई अध्यक्षबिच घनिभूत छलफल हुनुपर्ने भन्दै दुवै अध्यक्षको कार्यशैलीमा केहि फरक पन देखिएकाले बाहिरबाट हेर्दा दुइबिच बेमेल जस्तो देखिएपनि वास्तविकता त्यस्तो नभएकोसमेत दाबी गरे ।
उनले दुई अध्यक्षकोविचमा सहमति नभएसम्म देश,सरकार र पार्टी अगाडी जान नसक्ने भनाई राखे। पौडेलले कोरोना संक्रमण नियन्त्रणको अभियानमा पार्टीका कार्यकारी अध्यक्ष पुष्पकमल दहाल ओझेलमा परेको नभइ उहाँ चिकित्सक नभएकाले कोरोनाको समयमा भूमिका नदेखिएको टिप्पणी गरे ।
यो विषयमा प्रधानमन्त्री केपी शर्मा ओलीसँग दाहालले छलफल गरिरहनुभएको र संक्रमण रोक्न सरकार असफल नभई संक्रमित बढेकाले मात्रै यस्तो देखिको उनको भनाइ छ । पौडेलले भने,‘सरकारको अलोचना सकारात्मक छ । बाहिरबाट आएकालाई पनि व्यवस्था गर्नुपर्यो । सरकार प्रयत्नमा छ ।
उच्चस्तरिय समितिले कोसिस गर्नुभएको हो र तर, अलि परिपक्क नभएको हो भन्ने देखियो ।
Discussion about this post