वसिम अन्सारी
बाँके पुस २६ गते ।
भारतबाट अवैधरुपमा भन्सार छली नेपाल ल्याउँदै गरेको १० वटा घोडा खच्चड वडा प्रहरीले नियन्त्रणमा लिएको छ । वडा प्रहरी इन्चार्ज डिल्ली खड्काको नेतृत्वमा खटिएको प्रहरी टोलिले नेपालगञ्जको बुलबुली पछाडिबाट घोडा खच्चड नियन्त्रणमा लिएको हो । नियन्त्रणमा लिएको घोडा खच्चड २,५०,००० मूल्य बराबरको रहेको छ ।
शनिवार साँझ साढे सात बजे ती घोडा खच्चड नियन्त्रणमा लिएको वडा प्रहरी कार्यालयका इन्चार्ज डिल्ली खड्का ले जानकारी दिनुभयो । प्रहरीलाई देखेर घोडा खच्चड छाडे व्यक्तिहरुले भने फरार भएको इन्चार्ज खड्काले जानकारी गराउनुभयो । ती घोडा खच्चड आवश्यक कारबाहीका लागि नेपालगञ्ज भन्सार कार्यालयमा बुझाइएको इन्चार्ज खड्काले जानकारी दिनुभयो । यसअघि भारतबाट अवैधरुपमा भित्र्याइएका राँगा समेत वडा प्रहरी कार्यालयका इन्चार्ज खड्काको नेतृत्वमा पक्राउ गरिएको थियो ।
वडा प्रहरीमा खड्काको आगमनसँगै भारतबाट अवैधरुपमा हुने चोरी पैठारी नियन्त्रण हुँदै गएको छ । तस्कर गरेर नेपाल ल्याइएका अवैध सामाग्रीदेखि मासुजन्य बस्तु र राँगा तथा घोडा खच्चड धमाधम पक्राउ पर्न थालेपछि तस्करहरु अत्तालिएका छन् । मुख्य नाका छलृर अन्य नाकाबाट भित्र्याइएका सामान तथा मासुजन्य बस्तु र पशुचौपाया नियन्त्रण हुने क्रम बढेपछि तस्कर गर्नेहरु सिथिल हुँदै गएका छन् ।
Discussion about this post