बाँके बैशाख २३ गते ।
यतिवेला राजनीतिक दलका उमेदवारहरुले चुनावी घरदैलो तथा मतदाता भेटघाटलाई व्यापकता दिइरहेका छन् । यही वैशाख ३० गते हुन गइरहेको स्थानीय तहको निर्वाचन नजिकिँदै गर्दा जसपाले प्रचारप्रसारलाई व्यापकता दिएको छ ।
मतदाता भेटघाट तथा घरदैलो कार्यक्रमलाई तिब्र पारेको जसपाका उम्मेदवारहरु मतदाताको घरघर पुग्दा फरक दृष्य देखिएको छ ।
जनता समाजवादि पार्टी जसपाबाट नेपालगन्ज उपमहानगरपालिका–२ का वडा अध्यक्ष पदका उम्मेदवार वाहिद हुसेन हल्वाईले आफ्नो चुनावी अभियानलाई तीब्र पारिरहँदा उनको पक्षमा ब्यापक जनलहर देखिएको छ ।
समाजसेवी तथा मिलनसार युवा हुसेन वडामा आफ्नो छुट्टै पहिचान बनाउन सफल भएका छ्न । कोरोना महामारीमा हुसेनले स्थानीयबासीको जीवन रक्षाका लागि महत्त्वपूर्ण भुमिका निर्वाह गरेका थिए। मतदाताको सद्भाव र विश्वास देखेपछि उम्मेदवारहरु स्वयं भावुक बन्दै वडाबासीले गरेको विश्वासलाई कहिल्यै पनि कुठाराघात नगर्ने प्रमाण गरेका छन् ।
Discussion about this post