बाँके पुस २० गते ।
कठ्याङ्ग्रिदो चिसोका कारण बाँके सहित देशभर जनजीवन प्रभावित बनेको छ । आज पनि देशका धेरै ठाउँमा हुस्सु कुहिरो लागेको छ ।
पहाडी जिल्लामा भन्दा तराईका जिल्लामा हुस्सु कुहिरो बाक्लो छ । हुस्सु कुहिरोकै कारण आज पनि भिजिभिलिटी अर्थात दृश्य क्षमता घटेको छ । भिजिबिलिटी कम हुँदा आन्तरिकतर्फको उडान भने ठप्प भएको छ । नेपालगन्ज विमानस्थलको उडान प्रभावित भएको जनाएको छ ।
आज पहाडी जिल्लाको मौसम आंशिक बद्ली हुने अनुमान गरिएको छ भने हिमाली जिल्लामा हल्का हिमपात हुने मौसमवद् सजिना शाक्यले जानकारी दिनुभयो ।
यस्तै, तराईका जिल्लामा दिउँसोसम्म नै बाक्लो हुस्सु कुहिरोको सम्भावना रहेको मौसमविद्ले बताएका छन् ।चिसो बढेसँगै देशभरको जनजीवन प्रभावित हुन थालेको छ ।
कठ्याँग्रिदो चिसोका कारण तराईका धेरैजसो विद्यालयमा बिदा दिइएको छ । घरबाट बाहिर निस्किएर काम गर्नै समस्या भएको छ । चिसोका कारण बालबालिका, ज्येष्ठ नागरिक र मजदुरी गर्नेहरु मारमा परेका छन् ।
Discussion about this post