खड्क सुनार मुगु कार्तिक १ गते । समुन्द्री सतहबाट २ हजार ९ सय ७२ मिटर उचाइमा रहेको मुगुको रारा तालले पर्यटकलाई मनै लोभ्याएको छ । मुगु सदरमुकाम गमगडीको पश्चिम पट्टि १० किमी लम्बाई र ३ किमी चौडाईमा फैलिएको १६७ मिटर गहिरो रारा ताल हेर्ने पर्यटकहरु अहिले बढेका छन् । दशैँ सकिएपछि रारा हेर्ने पर्यटकको भीड हवात्तै बढेको हो । नाग्म–गमगडी राजमार्गमा अहिले रारा हेर्न आउने पर्यटकका गाडीहरु बाक्लो रुपमा देखिन थालिएको स्थानीयवासीले बताएका छन् ।
बर्षनी यो समय रारा घुम्नका लागि उपयुक्त मौंसम मानिन्छ । अहिले रारामा घुम्न आउने आन्तरिक पर्यटकको ओईरो लाग्ने गरेको छ । यो समयमा दैनिक पाँच सय देखि एक हजारसम्म आन्तरिक पर्यटक रारा पुग्ने गरेका छन् । बाह्य पर्यटक भन्दा रारा आन्तिरिक पर्यटकको चाप बढ्दोक्रममा छ ।
काडमाडौ बाट करिब ४ दिनको यात्रामा रारा घुम्न आउनु भएकि शान्ति श्रेष्ठले एक पटक पुग्नै पर्छ भन्ने मान्यता भएपनी रारामा भने जस्तो सेवासुविधा नहुदाँ पर्यटक लाई सास्ती खेप्नु परेको श्रेष्ठले बताउनु भएको छ । रारामा पर्यटक बढे्संगै बास बस्न र खानको समस्या देखाउदै रारामा एक डेढ घण्टा रमाउने र बास बस्न जुम्लाको भुलभुले, गोठिज्युला तिर फर्कने गरेका छन ।
रारा भित्र दुई होटेल मात्र छन एक होमेस्टे छ । यिनै होटल,होमस्टेमा एक पटकमा मुस्किलले तिन सय जनाले बास बस्न सक्छन । तर नजिकै रहेको मुर्मा गाउँ, माझघट्ट, सल्लेरीमा होटेल भए पनि व्यवस्थित नहुँदा स्थानीय वासीले आम्दानी लिन नसेकेका रारा पर्यटन विकास समितिका अध्यक्ष देवीकृष्ण रोकायाले बताउनुभयो ।
उहाँका अनुसार रारा आउने पर्यटकले चाहे जस्तो मनोरञ्जन पनि लिन सकेका छैनन । दशैं र तिहारको विदा, फुर्सद मिलाएर रारा आउने पर्यटक फर्किदा असन्तुष्टि भएर फर्किने गरेको अध्यक्ष रोकायाको भनाई छ ।
Discussion about this post