बाँके मंसिर २२ गते ।
नेपालगञ्जमा मेयरकप साइकल दौडा प्रतियोगिता सम्पन्न भएको छ । नेपालगञ्ज साइक्लोथनमा सयौं साइकलेहरूको सहभागिता रहेको आयोजक नेपालगञ्ज साइक्लिङ क्लबका अध्यक्ष सतिश निरौलाले जानकारी दिनुभएको छ ।
अध्यक्ष निरौला का अनुसार नेपालगन्ज उपमहानगरपालिका को सहकार्य मा सम्पन्न प्रतियोगितामा भएको साइकल दौड मा एमटिबी पुरुष तर्फ १३ जनाको सहभागिता थियो भने एमटिभी पुरुष तर्फ को उपाधी जित्दै बुटवल का प्रकाश थापा प्रथम , काभ्रेको अच्युत कृष्ण खरेल दोश्रो उदयपुरका निमा शेर्पा तृतीय भएका हुन् भने एमटिबी महिलाको खेलमा ६ जना सहभागी मध्य बाके बैजनाथकी रुपा थारु प्रथम , नेपालगन्जकि एसी श्रेष्ठ दोस्रो र बैजनाथकि रिमा थारु तृतीय भएका छन् ।
त्यस्तै साधारण साइकल तर्फ ८० जना सहभागी मध्य राप्ती सोनारीका जुगलाल थारु प्रथम ,राप्ती सोनारीका रमेशकुमार थारु दोस्रो र डुडुवाका बिनोद कुमार यादव तृतीय भएका हुन् । साधारण साइकल महिला तर्फ बर्दिया कि इन्दिरा थारु प्रथम , राप्ती सोनारीकी मिना कुमारी थारु दोश्रो र राप्ती सोनारी कै समिता थारु तृतीय भएका छन् ।
एमटिबी स्पेसल तर्फ को बिशेष दौडमा नेपालगन्ज का लक्ष्मीनारायण शाह प्रथम , राजिव बिक्रम शाह दोश्रो र डाक्टर बद्री चापागाईं तृतीय भएका हुन् ।
खेलाडीहरु लाई नगद तथा बिशेष पुरस्कार साथै मेडल र प्रमाणपत्र वितरण गरिएको क्लबले जनाएको छ ।आयोजक नेपालगन्ज साइक्लिङ क्लब का अध्यक्ष सतिश निरौला ले कार्यक्रम सफल पार्न सहयोग पुर्याउने प्रहरी प्रशासन साथै स्वयंसेवक र सहकार्य गर्ने सस्थाहरु लाई धन्यवाद ज्ञापन गर्दै खेल आयोजना ले नेपालगन्जमा साइकल खेल प्रति को आकर्षण बढ्नु का साथै साइकल खेलाडी उत्पादन मा टेवा पुगेको र आगामी प्रतियोगिता अझै उत्कृष्ट रूपमा आयोजना गरिने बताउनु भयो।
Discussion about this post