बाँके मंसिर २३ गते ।
नेपालगन्ज उपमहानगरपालिका वडा नं.१८ मा सडक पूर्वाधार निर्माणको काम सुरु भएको छ । शनिवार वडा अध्यक्ष दीपक बर्माले नेपालगन्जको सोल्टी होटेलदेखि लगदहवा हुँदै बाईपास सडकमा नाला तथा ढक्कन कार्यको प्रारम्भ गरी सुरुवात गरेका हुन् ।
उक्त कालो पत्रे सडकपनि गत वर्ष अधयक्ष बर्माबाटै सुरुवात गरीएको थियो । तर केही ठाउँमा नाला तथा माथिका ढक्कनको कार्य बजेट नभएर अधुरो थियो । उक्त कार्यका लागि वडा अध्यक्ष बर्माले संघ र प्रदेशबाट पहल गरी बजेट ल्याउन सफल भएका थिए । बजेट आएसँगै सडक पूर्वाधार निर्माणको काम सुरु भएको उनले बताए ।
सडक पूर्वाधार निर्माणका लागि संघीय सरकारको सहरी विकास मन्त्रालयबाट रु ३५ लाख बजेट निकासा भएको उनले बताए । उक्त बजेटबाट टेण्डर प्रक्रिया पूरा गरी शनिवारबाट निर्माण कार्य सुरु भएको वडा अध्यक्ष बर्माले बताए ।
यो भन्दा पहिला यसै आर्थिक वर्षमा दशैं भन्दा अघि वडा नं.१८ मा रहेको मोडेल स्कुल जाने सडकको पनि पीसीसी निर्माण कार्य सम्पन्न गर्ने योजना रहेको वडा अध्यक्ष बर्माले बताए । उनले सडक पूर्वाधारसँगै शिक्षा, स्वास्थ्यका क्षेत्रमा पनि वडा कार्यालयले प्राथमिकता दिएर काम गरिरहेको जानकारी दिए ।
Discussion about this post