बाँके बैशाख २५ गते ।
भारत र पाकिस्तान वीच द्वन्द्व चर्किदै गएपछि नेपालगन्ज नाकामा समेत कडाई गरिएको छ । भारतबाट पाकिस्तानी नागरिक नेपाल छिर्न सक्ने सम्भावनालाई मध्यनजर गरि नेपालगन्ज नाकामा सशस्त्र प्रहरीले परिचय–पत्र अनिवार्य गरेको छ । परिचय–पत्र भए–नभएको हेर्ने गरिएको सशस्त्र प्रहरीले जनाएको छ ।
यसअघि भारतको रुपइडिहास्थित सीमा सशस्त्र बल (एसएसवी) ले परिचय–पत्र अनिवार्य गरेकोमा विहीवारदेखि सशस्त्र प्रहरी बल नेपालले पनि नेपालगन्ज नाकामा परिचय–पत्र हेर्न थालेको छ । नेपाल आउनेको परिचय खुल्ने कागजात पहिले पनि हेरिन्थ्यो, तर भारत–पाकिस्तान द्वन्द्वले पाकिस्तानी नागरिक नेपाल प्रवेश गर्न सक्ने खतरालाई मध्यनजर गरि परिचय खुल्ने कागजात अनिवार्य गरिएको छ,’ सशस्त्र प्रहरीका एक अधिकारीले भने । सशस्त्र प्रहरी बल नेपालले नेपालगन्ज नाकामा कडाई गरेको छ । भारत र पाकिस्तान वीच द्वन्द्व चर्किदै गएपछि सशस्त्र प्रहरी बलले नेपालगन्ज नाकामा कडाई गरेको हो ।
परिचय–पत्र हेरेर मात्र नेपाल प्रवेश गर्न दिइएको सशस्त्र प्रहरीले जनाएको छ । परिचय खुल्ने कागजात भएकालाई मात्र भारत प्रवेश गर्न दिएको एसएसवीले हातहतियार तथा अन्य विस्फोटक पदार्थ पत्ता लगाउन तालिम प्राप्त कुकुर प्रयोग समेत गरेको छ ।
एसएसवीले परिचय–पत्र भएकालाई मात्र नेपाल आउन र जान दिने भएकोले केहि सहज भएको जिल्ला प्रहरी कार्यालय बाँकेका प्रहरी प्रवक्ता डिएसपी दीपक पातलीले बताए ।
उनले भारत–पाकिस्तान वीचको द्वन्द्व चर्किदै गएपछि नेपालतर्फ आउनेमाथि निगरानी बढाइएको बताए । ‘परिचय खुल्ने कागजात भएका भारतीयलाई मात्र नेपाल प्रवेश गर्न दिइएको छ । परिचय खुल्ने कागजात नभएका भारतीयको बारेमा सोधखोज गरेरमात्र आउन दिइएको छ,’ उनले भने ।
उनले दुई देशको द्वन्द्वका कारण भारत छाड्ने नेपाली फेला नपरेको बताए । ‘नेपाल आउन र जाने क्रम पहिलेको भन्दा फरक देखिएको छैन । भारत–पाकिस्तानको द्वन्द्व बढ्दै गए आउनेको संख्या बढ्न सक्ने देखिन्छ,’ डिएसपी पातलीे भने ।
Discussion about this post