बाँके भदौ २८ गते ।
बाँके प्रहरीले जेन जी आन्दोलनको क्रममा खोसेर लगेको नेपाल प्रहरी तथा अन्य सुरक्षा निकायको हातहतियार फिर्ता गर्न आग्रह गरेको छ । जिल्ला प्रहरी कार्यालय बाँकेले शनिवार एक सूचना जारी गरि भाद्र २३ र २४ गते भएको प्रदर्शनको क्रममा प्रहरी कार्यालय तथा अन्य सरकारी कार्यालयको सुरक्षार्थ खटिएका सुरक्षाकर्मीसंग भएको हातहतियार खोसेर लगेको भए तत्काल फिर्ता गर्न आग्रह गरेको बाँके प्रहरी प्रवक्ता दिपक पातलीले जारी गरेको सूचनामा उल्लेख छ ।
साथै बाँके प्रहरीले प्रदर्शनको क्रममा सरकारी कागजात एवम् सवारी साधन, उपकरण र अन्य सामान लगेको भए सकुशल बुझाउन समेत प्रहारीले आग्रह गरेको छ ।
’प्रहरीको ड्रेस समेत लुटपात गरि दुरुपयोग भई रहेको पाइएको छ.। अव उप्रान्त प्रयोग भएको पाइएमा कानुन बमोजिम कारवाही हुने छ,’ जारी सूचनमा उल्लेख छ।
बाँके प्रहरी प्रमुख एसपी रामप्रसाद घर्तीमगरले हातहतियार, सरकारी कागजात, उपकरण र अन्य सामानको खोजी भइरहेको बताए । ’प्रहरीले लुटपाटमा संलग्न व्यक्तिको पहिचान गरिरहेको छ । आफै बुझाउनेलाई कारवाही नगर्ने र अनुसन्धानको क्रममा फेला परे कानुन बमोजिम कारवाही हुने छ,’ उनले भने, ’स्वस्फुर्त रुपमा बुझाउन हाम्रो आग्रह छ ।’
उनले सामान फिर्ताका लागि ९८५८०९०११० र ९८५८०९०९५५ मा सम्पर्क गर्न समेत आग्रह गरेका छन् ।
Discussion about this post