बाँके मंसिर २० गते ।
जिल्ला प्रहरी कार्यालय बाँकेले ठूलो मात्रामा अवैध रूपमा ल्याइएको केराउ दाल (मटर) बरामद गरेको छ।
जिल्ला प्रहरी कार्यालय र वडा प्रहरी कार्यालयको संयुक्त टोलिले नेपालगञ्ज उपमहानगरपालिका–९, गुलरिया बसपार्क नजिक मुबारक अहमद कबडियाले सञ्चालन गरेको ‘मुस्कान ट्रेडर्स’ मार्फत भारततर्फबाट भन्सार छलि तस्करी गरी ल्याइएको दाल बरामद गरेको हो । प्रहरीका अनुसार ११३० बोरा (३३,९०० किलो) केराउ दाल बरामद गरिएको हो।
बरामद दालको अनुमानित मूल्य रु. २०,३४,००० (बिस लाख चौतीस हजार रुपैयाँ) बराबर रहेको प्रहरीले जनाएको छ ।
अवैध तस्करीको सूचनाका आधारमा गरिएको कारबाहीमा मुस्कान ट्रेडर्सका सञ्चालक मुबारक अहमद कबडियालाई समेत नियन्त्रणमा लिएर आवश्यक कानूनी प्रक्रिया अघि बढाइएको जिल्ला प्रहरी कार्यालय बाँकेले जनाएको छ।
प्रहरीले सीमावर्ती क्षेत्रमा तस्करी नियन्त्रण गर्न निरन्तर चेकजाँच र अनुगमन कडा बनाइएको बताएको छ।
Discussion about this post