बाँके जेठ २ गते ।
पहिलो चरणमा नेपालगन्जको जमुनाह नाकाबाट सीमामा अलपत्र परेका ६७८ जना नेपालीलाई नेपाल ल्याईएको छ । महेन्द्र बहुमुखि क्याम्पसको क्वारेन्टिनमा राखिएका उनीहरुको आरडिटी टेस्टपछि सम्वन्धित जिल्लामा पठाइने छ । नेपाल भित्र्याइएका उनीहरुको आज विहानैदेखि आरडिटी परीक्षण सुरु भएको छ ।
आरडिटी परीक्षणपछि उनीहरुलाई सम्बन्धित जिल्लामा पठाइने छ । भारतको क्वारेन्टाइनमा रहेकालाई नेपालगञ्जमा ल्याउने र आरडिटी परीक्षणपछि जुन जिल्लाका हुन् त्यही पठाएर क्वारेन्टाइनमा राख्ने रणनीति बनाइएको बाँकेका सहायक प्रमुख जिल्ला अधिकारी हरि प्याकुरेलले बताउनुभयो । बाँकेको हकमा जुन पालिकाको हुन् त्यही पठाएर क्वारेन्टाइनमा राख्ने तयारी छ ।
भारतको क्वारेन्टाइनमा कति नेपाली छन् भन्ने यकिन छैन् । पछिल्लो तीन दिनमा छोटी नाकाबाट तीन सय जना नेपाली भित्रिएपछि स्थानीय प्रशासनले सोझो बाटोबाट ल्याउने र क्वारेन्टाइनमा राख्ने नीति अघि बढाएको हो।
भारतमा रेलसमेत चलेपछि नेपालीहरु घर फर्किनेको चाप बढ्ने भएकाले प्रत्येक पालिकामा एक हजारजना अट्ने क्वारेन्टाइन बनाउन सरकारले निर्देशन दिएको छ। सीमावर्ती भारतीय नाका तथा शहरका अलपत्र नेपालीलाई नेपाल ल्याउन सुरु गरिएसँगै बाँकेका विभिन्न क्वारेन्टाइनमा रहेका १४ सय भारतीय नागरिकलाई पनि भारत पठाइएको छ ।
Discussion about this post