बाँके बैशाख २१ गते ।
नेपालगन्जका लागि चिरपरिचित नाम हो नन्दलाल बैश्य । नेपालगन्ज उद्योग बाणिज्य संघका निवर्तमान अध्यक्ष समेत रहेका बैश्यलाई नेपालगन्जको भौगोलिक बनावट र यहाँ बसोबास गर्ने समुदायका बारेमा राम्रो जानकारी छ ।
मुल धारको राजनीतिमा लागेको लामो समय नभए पनि बर्षौँ बर्ष राजनीति गरेका नेता भन्दा उनले दश गुणा धेरै दखल राख्छन् ।
दबेको आवाज भए पनि उनको बोलीमा मिठास छ । उनी कसैसँग रिसाउँदैनन् । विहान घरबाट निस्केर बजारका विभिन्न ठाउँमा पुग्छन् । सडक छेउमा बसेर सर्वसाधारणसँग चिया खान्छन् । भेट भएका साथीभाईको दुख, सुखका कुरा बुझ्छन् । सहयोगी हात अघि बढाउँछन् ।
मजदुर, कुचीकार, ब्यापारी, उद्योगपति सवैलाई समान ब्यवहार गर्ने बैश्यसँग अरुलाई रिझाउने खुवी पनि उत्तिकै छ । यीनै बैश्य नेपालगन्ज उपमहानगरको मेयरको उम्मेदवार भएर चुनावी मैदानमा छन् । राप्रपाबाट मेयरको उम्मेदवार भएका बैश्यले विजयी भए नेपालगन्जको समग्र विकासमा आफ्नो बाँकी जिवन खर्चिने बताए ।
‘म ब्यापारी हुँ, तर अवको बाँकी जिवन नेपालगन्जबासीको सेवामा खर्चिने सोँचमा छु, सेवा गर्ने अवसर दिने नदिने तपाई मतदाताको हातमा छ,’ उनले भने ।
नेपालगन्ज उद्योग बाणिज्य संघको नेतृत्वमा भएको बेला उनले ब्यापारी, उद्योगपति सवैलाई समान ब्यवहार गरे । कुनै विवाद बिना संघको नेतृत्व पुरा गरेका उनको मनमा पाप छैन । जे कुरा भन्ने हो सामुन्नेमा भन्छन् । पिठ्यूँ पछाडी अरुको कुरा काट्ने बानी उनमा छैन ।
‘नन्दलाल बैश्य जीको मनमा पाप छैन, स्पष्ट बोल्ने उहाँमा अरुको सेवा गर्ने बानी पनि छ, उहाँमा रिसराग केहि छैन,’ नेपालगन्जका एक चिरपरिचित ब्यापारीले भने, ‘त्यस्ता ब्यक्तिलाई मेयर बनाउँदा नेपालगन्जको भलो हुनेछ ।’
उनी मतदाता आफ्नो पक्षमा भएको दावी गर्छन् ।
नेपालगन्जका मतदाता अन्य ठाउँका भन्दा फरक र बुझ्रुक भएकोले आफूलाई भोट दिनेमा ढुक्क छन् । ‘अरुले जे सुकै भनुन्, जित्ने त मैले नै हो,’ उनले भने ।
Discussion about this post