बाँके जेठ १८ गते ।
नेपाली काँग्रेस बाँकेको पार्टी कार्यालयमा बुधवार तालाबन्दी गरिएको छ । पार्टी सभापति नारायणप्रसाद गौडेलले विधान विपरीतका निर्णयहरु गरेको भन्दै काँग्रेसकै अर्को समूहले पार्टी कार्यालयमा तालाबन्दी गरेको हो ।
जिल्ला सभापतिले जिल्ला कार्यसमितिका निर्वाचित सदस्यहरुबाट नाम प्रस्ताव गरी निर्वाचित कार्यसमितिबाट निर्वाचित कोषाध्यक्षको चयन गर्नुपर्नेमा उक्त कार्य नगरी विधानको धारा विपरीत कोषाध्यक्ष चयन गरेको भन्दै तत्काल निर्णय वदर गर्न माग गर्दै पार्टी कार्यालयमा तालाबन्दी गरिएको काँग्रेस नेता फुलाराम थारुले बताउनुभयो ।
माग सम्वोधन नभएसम्म तालाबन्दी जारी रहने अर्का काँग्रेस नेता अशोक श्रेष्ठले बताउनुभयो । उहाँका अनुसार निर्णय सच्चाउन माग गर्दै पार्टी सचिव सुधान्सु कोइरालालाई ज्ञापनपत्र समेत बुझाइएको थियो ।
ज्ञापनपत्र बुझाउन पार्टीका सचिव संजु थारु, सहसचिव विनोद चौधरी, नेताहरु सुदिप नरसिंह राणा, वीरेन्द्रबहादुर शाहलगायत पुग्नुभएको थियो ।
Discussion about this post