जावेद अन्सारी बाँके असोज २३ गते । नेपालगन्जमा जारि १५२ औं रामलीला महोत्सव श्री रामको शुभ राज्याभिशेकसहित समापन गरिएको छ । रामलीला संचालक समिती नेपालगञ्जको आयोजनामा
असोज १२ गते देखि सुरु रामलिला बुधबार राती औपचारिक समापन गरिएको हो ।
रामलिलाको समापनको अबसरमा प्रमुख अतिथि बनेका शहरि बिकास मन्त्री मो. इस्तियाक राईले श्री रामलाइ तिलक लगायेर अभिसेक गराउनु भयो । उहाँले धार्मिक सहिष्णुताको नेपालगञ्ज एउटा उदाहरणीय रहेको बताउदै धर्मका नाममा राजनिती सम्भावना नरहेको स्पष्ट पार्नु भयो ।
नेपालगञ्जबाट हरेक धर्म मान्नेहरु बिचको सहिष्णुता हेर्न र बुझ्न नेपालगञ्ज आउन समेत उहाले आग्रह गर्नु भयो । नेपालगञ्जमा धर्म र जातिय राजनिती भन्दा धेरै फरक राजनिती भएको जनाउदै आफ्नो सांसद बिकास कोषको रकमबाट रामलिला ब्यबस्थापन समितिलाई बल २५ लाख रुपैयाँ सहयोग गरेको र सोबाट केही काम भएको र केही हुन लागेकोमा खुशी ब्यक्त गर्दै थप सहयोग गर्ने पनि उधघोस गर्नु भयो ।
नेपालगञ्जमा रहेका धार्मिक स्थल हरुको आकर्षण र सम्भार सुधारको लागी १ करोड रुपैयाँ समेत शहरी विकास मन्त्रालयबाट छुट्याउने समेत मन्त्री राइले घोषणा गर्नु भयो। सदियौ देखि चलि रहेको परम्परा संस्कृतीको जगेर्ना गर्नका लागी आफु सधै तल्लिन हुने र बाँकेका नागरीकहरुको बिचमा चुनाबको ताका गरीएको घोषणा पुरा गर्ने समेत उहाले प्रतिबद्धता ब्यक्त गर्नु भयो ।
सो कार्यक्रममा जिल्ला प्रशासन कार्यालय बाँकेका प्रमुख तथा प्रमुख जिल्ला अधिकारी कुमार बहादुर खड्का, संचालक समितीका कार्यबाहक अध्यक्ष सन्तोस कानोडिया, महामन्त्री जगदिस वैस्य लगायतले रामलिला बारे प्रकाश् पर्नु भयो । समारोहमा जिल्ला प्रहरी बाँकेका प्रमुख एस. पि विर बहादुर ओलि, सशस्त्र प्रहरी शिमा सुरक्षा बलका एस. पि दिपक अधिकारी, नेपालगञ्ज उपमहानगरपालिका कि उपमेयर उमा थापा मगर, त्यसैगरी समाजवादी पार्टी बाँके जिल्ला अध्यक्ष कमरुद्दिन राई नेपालगञ्ज उद्योग वाणिज्यसंघका अध्यक्ष नन्दलाल बैश्य, उद्योग वाणिज्यसंघका पुर्ब अध्यक्ष कृष्ण प्रसाद श्रेष्ठ लगायतको उपस्थिती रहेको थियो ।
Discussion about this post