काठमाडौ जेठ ६ गते ।
सिमानाको वारेमा भारतको विवाद नेपालसंग मात्र होइन चीनले पनि भारतले सिमाना मिचेको दावी गर्दै आएको छ । केही दिन यता भारत र चीनबीच सिमानामा फेरि तनाव बढेको छ । विवादित सीमा क्षेत्रमा दुवै देशले सैन्य उपस्थिति बढाएका छन् ।
नेपालमा पनि कालापानी लिम्पियाधुराको नेपाली भूभाग समेटेर भारतले नयाँ नक्सा जारी गरेपछि नेपालले आपत्ती जनाएको छ भने नेपालले आफ्नो भूमी मसेटेर नयाँ नक्सा समेत जारी गरिसकेको छ । कालापानी नजिक नेपालले पनि सिमा सुरक्षाका लागि सुरक्षाकर्मी थपेको छ ।
टाइम्स अफ इन्डियाका अनुसार लदाकमा भारत र चीन दुवैले सुरक्षाकर्मी बढाएका छन् । चिनियाँ फौजले विवादित सीमा क्षेत्रको गल्वान उपत्यकाको नदी छेउमा टेन्ट गाँडेर निर्माण शुरु गरेपछि देमचोक, चुमार र दौलत बेग ओल्डी क्षेत्रमा भारतले फौज बढाएको छ । भारतले सिमानामा अनाधिकृत रुपमा संरचना निर्माण गर्ने गरेको छ ।
गल्वन क्षेत्र सन् १९६२ को भारत चीन युद्धको एउटा बिन्दु हो । त्यहाँ बेला बेलामा दुई देशबीच विवाद भइरहन्छ । यसअघि सिक्किमको पाङगोङ सोस्थित भारत(चीन सीमामा हालै झ’डप भएको थियो । उक्त झडप स्थानीय तहमा मिलाइएपनि दुई देशबीच सीमाको विषयमा तनाव बढेको देखिनथालेको छ ।
यसैगरी, नेपालले लिपुलेक हुँदै भारतले चीनतर्फको लिंकरोड खोलेकोमा आपत्ती जनाएपछि भारतीय सेनापति एम एम नरभानेले चीनतर्फ संकेत गर्दै उक्साएको आ’रोप लगाएका छन् । उनले गत शुक्रबार नेपालसँग कुनै सीमा विवाद नभएको र अहिले भएका गतिविधि कसैको उक्साहटमा भएको बताए । भारतको सुरक्षासम्बन्धी थिंक ट्यांकले यो समाचार छाप्दा सेनापति नरभानेले चीनतर्फ संकेत गरेको बताएका थिए । एजेन्सी
Discussion about this post