काठमाडौं जेठ ६ गते ।
कोरोना भाइरसको संक्रमणबाट विश्वभर ४८ लाख ९० हजार ८६३ जना संक्रमित भएका छन् भने ३ लाख २० हजार १३० जनाको मृत्यु भएको छ ।
वर्ल्डओमिटरका अनुसार उपचार गराइरहेका २६ लाख ६३ हजार ३४१ मध्ये ४४ हजार ७६५ जनाको अवस्था जटिल रहेको छ भने १९ लाख ७ हजार ३९२ जना उपचार पछि निको भएर घर फर्केका छन् ।
संयुक्त राज्य अमेरिकामा १५ लाख ५० हजार २९४ जनामा कोरोनाको सङ्क्रमण पुष्टि भएको छ भने ९१ हजार ९८१ भन्दा धेरैको ज्यान गएको छ । रसियामा कोरोनाबाट संक्रमित हुनेको संख्या २ लाख ९० हजार ६७८ पुगेको छ भने मृत्यु हुनेको संख्या २ हजार ७२२ पुगेको छ । स्पेनमा २ लाख ७८ हजार १८८ जनामा कोरोना भाइरसको सङ्क्रमण पुष्टि भएको छ भने २७ हजार ७०९ भन्दा बढीको मृत्यु भइसकेको छ । ब्राजिलमा कोरोना संक्रमितको संख्या २ लाख ५५ हजार ३६८ पुगेको छ भने १६ हजार ८५३ भन्दा बढिको मृत्यु भइसकेको छ ।
त्यस्तै बेलायतमा कोरोना संक्रमितको संख्या २ लाख ४६ हजार ४०६ पुगेको छ । त्यहाँ ३४ हजार ७९६ भन्दा बढिको मृत्यु भएको जनाएको छ । इटालीमा हालसम्म कोरोना संक्रमितको संख्या २ लाख २५ हजार ८८६ पुगेको छ भने मृत्यु हुनेहरुको संख्या ३२ हजार ७ पुगेको छ । त्यस्तै फ्रान्समा कोरोनाबाट संक्रमित हुनेको संख्या १ लाख ७९ हजार ९२७ पुगेको छ । त्यहाँ २८ हजार २३९ भन्दा बढिको मृत्यु भइसकेको छ । यस्तै भारतमा सङ्क्रमितको सङ्ख्या बढ्दै गएको छ । भारतमा १ लाख ३२८ जनामा कोरोना संक्रमण पुष्टि भएको छ भने ३ हजार १५६ जनाको मृत्यु भएको छ ।
Discussion about this post