बाँके माघ १२ गते ।
नेपालगन्ज भन्सार कार्यालयको सुरक्षार्थ खटिएका प्रहरी हवल्दार निरुमान नेपालीले एसपी श्यामकृष्ण अधिकारीको नाम भजाएर असुली धन्दा चलाइरहेको पाइएको छ ।
भन्सार कार्यालयको सुरक्षाको जिम्मेवारी छाडेर प्रहरी हवल्दार नेपालीले भन्सार गेटमा जिल्ला नेतृत्वको नाम भजाएर असुली धन्दा चलाइरहेका छन् । एसपीलाई लाइन दिनु पर्ने भएकाले रकम माग्ने गरेका छन् ।
उनले क्यारिङवालालाई मुख्य टार्गेट बनाएर असुली गरिरहेका छन् । उनले क्यारिङवालासँग जे जति भएपनि रकम दिन ताकेका गर्ने र नदिए सामान जफत गर्दिने धम्की समेत दिने गरेको पीडितहरुले बताएका छन् ।
उनले पचास रुपैयाँ देखि एक सय रुपैयाँसमेत माग्ने गरेका छन् । अनावश्यक झोला तथा पोकापन्तुरा खोल्ने र पैसा माग्ने गरेको क्यारिङवालाहरु बताउँछन् ।
उनी भन्सार कार्यालयको सुरक्षाका लागि खटिएको ६ महिना पुगिसकेको छ । उनीसँगैका सहपाठीहरुले समेत नेपालीको व्यवहारबाट आजित भएको बताएका छन् । भन्सार नाकाबाट हुने अवैध क्रियाकलाप रोक्नका लागि खटिएका प्रहरी नै असुली धन्दामा लाग्दा पुरै संगठननै बदनाम भएको छ ।
उनी रातको समयमा अधिकांश तस्करसँग व्यवस्त हुने गरेका छन् । त्योबाट उनले रकम लिने गरेका छन् । व्यवसायीक तस्करसँग उनले मोटो रकम असुल्ने गरेका छन् । उनले भारतीय गाडीहरुलाई समेत असुलीको स्रोत बनाएका छन् ।
Discussion about this post