बाँके वैशाख १६ गते ।
आफैले बनाएको घरेलु हतियार पड्कदा बाँकेमा एक जना घाइते भएका छन् । राप्ती सोनारी गाउँपालिका वडा.५ चाचरफर्काका १६ वर्षीय सचिन थारु आफैले बनाएको घरेलु हतियार पड्कदा घाइते भएको जिल्ला प्रहरी कार्यालय बाँकेले जनाएको छ ।
जिल्ला प्रहरी कार्यालयका प्रहरी प्रवक्ता नारायण डाँगीले भने–‘युट्वमा हेरी काठ र फलामको घरेलु कटुवा पेस्तोल जस्तो देखिने हतियार बनाई आफ्नै पाइन्ट पछाडीको गोजिमा राखेको रहिछन् गोजिबाट निकाल्ने क्रममा पड्कीदा थारु घाइते भएको भनिएको छ थप बुझ्ने काम भइरहेको छ ।’
थारुको दाहिने खुट्टाको पछाडिको हिपमा छर्रा गाडिन गई घाइते भएको प्रहरीले जनाएको छ । उनको नेपालगन्ज मेडिकल कलेज नेपालगन्जमा उपचार भइरहेको छ । हतियार भने प्रहरीले नियन्त्रणमा लिएको छ । घटना शनिवार राती सवा १२ बजेको भएको पनि प्रहरीले जनाएको छ ।
इप्रका बैजापुरले घटनाबारे जिल्लालाई जानकारी गराएको थियो । घाइते थारुको अवस्था सामान्य रहेको प्रहरीले जनाएको छ।
Discussion about this post