बाँके पुस १७ गते ।
शान्ति, सुरक्षासँगै भन्सार छलीका अवैध सामान नियन्त्रण गर्न बाँके प्रहरी खरोरुपमा उत्रिएको छ । बाँके प्रहरी प्रमुखको रुपमा एसपी अंगुर जिसी यहाँ आएदेखि बाँके प्रहरी शान्ति, सुरक्षा र भन्सार छलीका अवैध सामान नियन्त्रणमा खरो रुपमा उत्रिएको हो ।
बाँके प्रहरीले तिन महिनामा एक करोड आठ लाख ८४ हजार ९६८ रुपैयाँ बराबरको भन्सार छलीका अवैध सामान बरामद गरेको छ । भन्सार छलीको सामग्री सहित २९ जना मानिस, एक जिप, १६ वटा मोटरसाइकल र २ वटा इ–रिक्सा नियन्त्रणमा लिएको बाँके प्रहरी प्रमुख एसपी अंगुर जिसीले जानकारी दिए ।
जिल्लाको शान्ति, सुरक्षामा कुनै कम्प्रोमाइज नगर्ने एसपी जिसीको निर्देशनमा ट्राफिक नियम उलंघन गर्नेलाई धमाधम कारवाही गरिएको छ । दुई महिनामा ट्राफिक नियम उलंघन गर्ने चार हजार ७४० वटा सावरी साधनलाई कारवाही गरि ४० लाख ४० हजार रुपैयाँ राजस्व संकलन भएको बाँके प्रहरीले जनाएको छ । ‘
एक लाख ६ हजार ७२५ रुपैयाँ बराबरको अबैध पशुपंक्षी अबैध नदिजन्य पदार्थबाट एक लाख ७० हजार रुपैयाँ राजस्व संकलन भएको छ,’ एसपी जिसीले भने । तिन महिनाको अवधिमा बाँके प्रहरीमा तीन सय २३ वटा उजुरी दर्ता भएकोमा चार सय ७६ जना पक्राउ परेका छन् । विभिन्न विषयमा चार सय ९ वटा निवेदन परेकोमा एक सय ४१ वटा मिलापत्र गरिएको उनले जानकारी दिए ।
अदालतबाट दोषी करार भई फरार रहेका अपराधि पक्राउ गर्न बाँके प्रहरी कडा रुपमा प्रस्तुत भएको छ । तिन महिनामा एक २१ जना फरार अपराधी पक्राउ गरि सजाय भुक्तानका लागि कारागार पठाइएको उनले बताए । ‘फरार अपराधिबाट ६३ वर्ष ६ महिना ७ निद कैद र ९६ लाख ७५ हजार ७४ रुपैयाँ राजस्व असुली भएको छ,’ उनले भने ।
लागु औषध नियन्त्रण गर्न योजनाबद्ध रुपमा लागेको बाँके प्रहरीले तिन महिनामा ३५१ ग्राम ४३० मिलीग्राम ब्राउनसुगर १२९ ट्याब्लेट नाईट्राभेट र २२० ट्याब्लेट ट्रामाडोल बरामद गरेको छ । लागु औषध ओसार पसार गर्ने ५७ जनालाई पक्राउ गरि कारवाही प्रक्रिया अगाडी बढाइएको प्रहरीले जनाएको छ ।
‘चोरी भएका ६ वटा मोटरसाइकल फेला पारि सम्बन्धित धनीलाई बुझाइएको छ,’ उनले भने, हराएका ४५ वटा मोबाइल फेला पारी सम्बन्धित ब्यक्तिलाई बुझाउन प्रहरी सफल भएको छ ।’
Discussion about this post