बाँके पुस १८ गते ।
बाक्लो हुस्सु र कुहिरोसँगै बढेको चिसोका कारण बाँकेसहित पश्चिम तराईको जनजीवन प्रभावित भएको छ । चिसोबाट बालबालिका, विद्यार्थी, मजदुर, गरिब, असहाय तथा ज्येष्ठ नागरिक बढी प्रभावित भएका छन् ।
चिसो र कुहिरोका कारण स्थानीय बासिन्दा घरबाहिर निस्कन सकेका छैनन् । बिहान खुल्ने पसल तथा बजारहरू ढिलो गरी खुल्ने गरेका छन् भने साँझपख चिसो बढेसँगै बजार क्षेत्रसमेत सुनसान हुन थालेका छन् ।
कठ्याङ्ग्रिँदो चिसो र बाक्लो हुस्सुका कारण सवारीसाधन सञ्चालनमा समेत समस्या भएको सवारी चालक नेपालगञ्ज–१६ का रामप्रसाद थारुले बताए ।
चिसोको प्रभावले दम, निमोनिया, रुघाखोकी, ज्वरोलगायत रोगका बिरामीको सङ्ख्या बढ्दै गएको भेरी अस्पतालका सूचना अधिकारी सङ्केत रिसालले जानकारी दिए । उनका अनुसार पछिल्ला दिनहरूमा अस्पतालमा दैनिक १०० भन्दा बढी निमोनिया र रुघाखोकीका बिरामी उपचारका लागि आउने गरेका छन् ।
Discussion about this post