बाँके फागुन २१ गते ।
प्रतिनिधिसभा सदस्य निर्वाचनअन्तर्गत मतदान जारी रहँदा नेपालगन्जको एक मतदान केन्द्रमा एक महिलाले छ महिनाकी शिशु काखमा बोकेर मतदान अधिकृतको जिम्मेवारी निर्वाह गरेकी छन्।
उच्च अदालत तुलसीपुर, नेपालगन्ज इजलासकी शाखा अधिकृत अमृता केसीले नेपालगन्ज उपमहानगरपालिका–६ स्थित हडिया बाबा मतदान केन्द्र (क) मा छ महिनाकी छोरीसहित मतदान अधिकृतको जिम्मेवारी सम्हालेकी हुन्।
मतदानका क्रममा शिशुलाई काखमै राखेर उनले आफ्नो कर्तव्य निर्वाह गरिरहेकी थिइन्। जिम्मेवारी र मातृत्वलाई सँगै अघि बढाउँदै उनले निर्वाचन कार्यलाई निरन्तरता दिएको दृश्यले मतदान केन्द्रमा उपस्थितहरूलाई समेत प्रभावित बनाएको थियो।
केसीले देश र जनताको भविष्यसँग जोडिएको महत्वपूर्ण लोकतान्त्रिक प्रक्रियामा आफ्नो जिम्मेवारी पूरा गर्न पाउँदा गर्व लागेको बताइन्। ऐतिहासिक जिम्मेवारी वहन गर्ने क्रममा छोरीलाई काखमै राखेर काम गर्न पाएको क्षण आफूका लागि स्मरणीय बनेको उनको भनाइ थियो।
Discussion about this post