काठमाडौं फागुन २१ गते ।
आज सम्पन्न प्रतिनिधिसभा सदस्य निर्वाचन देशभर शान्तिपूर्ण रूपमा सम्पन्न भएको निर्वाचन आयोगले जनाएको छ ।
आयोगका सहायक प्रवक्ता कुलबहादुर जिसीका अनुसार देशभर रहेका १० हजार ९ सय ६७ मतदान स्थलमा उत्साहपूर्ण रूपमा मतदान भएको हो ।
बिहान ७ बजेदेखि सुरु भएको मतदान प्रक्रिया साँझ ५ बजेसम्म सञ्चालन गरिएको सहायक प्रवक्ता जिसीले जानकारी दिए ।
यद्यपि केही स्थानमा ढिलो सुरु भएका मतदान केन्द्र तथा साँझ ५ बजेसम्म लाइनमा बसेका मतदातालाई भने मतदान गर्न दिइने व्यवस्था गरिएको उनले बताए ।
ADVERTISEMENT
Discussion about this post