रुकुमपूर्व फागुन २२ गते ।
लुम्बिनी प्रदेशको हिमाली जिल्ला रुकुमपूर्वमा रहेको एक मात्र प्रतिनिधिसभा निर्वाचन क्षेत्रबाट नेपाल कम्युनिस्ट पार्टी (माओवादी केन्द्र) का संयोजक पुष्पकमल दाहाल ‘प्रचण्ड’ भारी मतान्तरले निर्वाचित भएका छन्।
प्रत्यक्षतर्फको मतगणना शुक्रबार बिहानदेखि सुरु गरिएको थियो। जिल्लामा रहेका ३४ हजार ७ सय ७२ मतदातामध्ये १९ हजार १ सय ८८ मत खसेको थियो।
मतगणनाको अन्तिम परिणामअनुसार प्रचण्डले १० हजार २ सय ४० मत प्राप्त गर्दै विजयी भएका हुन्। उनका निकटतम प्रतिद्वन्द्वी नेकपा एमालेका लीलामणि गौतम ले ३ हजार ४ सय ६२ मत प्राप्त गरेका छन्। प्रचण्डले गौतमलाई ६ हजार ७ सय ७८ मतान्तर ले पराजित गरेका हुन्।
यसैगरी नेपाली कांग्रेसका सुकुस थापा ले ३ हजार ८१ मत, राष्ट्रिय स्वतन्त्र पार्टीका लखन थापा ले ८ सय १९ मत प्राप्त गरेका छन्।
अन्य उम्मेदवारमध्ये राष्ट्रिय प्रजातन्त्र पार्टीका रोशन शाह ले ८२ मत, जनमोर्चाका चन्द्रविक्रम शाही ले ३२ मत, प्रलोपाका सन्दिप पुन ले २ सय ३ मत, मङ्गोल नेशनल अर्गनाइजेसनका ज्योती रोका ले ५५ मत, नेशनल रिपब्लिकका धर्मकुमार बुढा ले ५१ मत, नेकपा माओवादीका जुद्धबहादुर बुढा ले १ सय ९१ मत र जनता समाजवादी पार्टीका सिरबहादुर बुढा ले ३० मत प्राप्त गरेका छन्।
मुख्य निर्वाचन अधिकृतको कार्यालयका अनुसार अब समानुपातिकतर्फको मतगणना सुरु गरिने तयारी गरिएको छ।
Discussion about this post