बाँके पुस २५ गते ।
बाँकेको नौबस्तास्थित बालसुधार गृहबाट भागेका १४ जना बालबन्दी अझै भेटिएका छैनन् । पुस १५ गते बालसुधार गृहमा विवाद भएको मौका छोपेर फरार भएका २३ जनामध्ये ९ जना भेटिएका छन् ।
तर अन्य १४ जना भने फरार भएका छन् । त्यसमध्ये जबरजस्ती करणीका ९, कर्तव्य ज्यान मुद्धाका २, ज्यान सम्बन्धी कसुरका १, अप्राकतिक मैथुनका १ र डाकाचोरी मुद्धाका १ जना छन् । उनीहरूलाई भर्खरै मात्र त्यहाँ सारिएको थियो । उनीहरूमध्ये १० जना यसअघि जयन्दु बालसुधार गृहमा थिए भने अरू २ जनालाई रुपन्देहीबाट ल्याइएको थियो ।
हेटौडा र पर्साका बाल सुधार गृहबाट ल्याइएका १–१ जना छन् । ‘सबै ठाउँमा प्रहरी टोली परिचालित गरेका छौँ,’ बाँके प्रहरीका डिएसपी नारायण डाँगीले भने, ‘ढिलो चाँडो सबै जनालाई नियन्त्रणमा लिन्छौँ ।’सुधार गृहमा विवाद भएको दिन प्रहरीले त्यहाँबाट चार थान मोबाइल बरामद गरेको थियो ।
सुधार गृहमा ११६ जना बालबन्दी रहेकोमा झडप र तोडफोडपछि अहिले १०२ जनामा सीमित छन् । बालसुधार गृहमा प्रहरी सुरक्षा बलियो नहँुदा बालसुधार गृहमा विवाद दोहोरिरहेको छ ।
प्रहरीका अनुसार बालसुधार गृहमा रहेका बालबन्दीलाई सामान दिने बाहानामा भेट्न आउनेहरुले कपडामा चुरोटदेखि मादक पदार्थ समेत पु¥याएको पाइएको छ । सो घटनापछि शसस्त्र प्रहरीको कमाण्डमा रहेको बाल सुधार गृहमा शसस्त्र प्रहरीको टोली नै परिवर्तन गरिएको छ ।
Discussion about this post