बाँके मंसिर ७ गते ।
बाँके राष्ट्रिय निकुञ्जका प्रमुख मनोज कुमार शाहले कान्छो निकुञ्जको रुपमा स्थापना भएको बाँके राष्ट्रिय निकुञ्जलाई पर्यटकको केन्द्र बनाउने बताउनु भएको छ । बिहीबार सञ्चारिका समूह नेपाल बाँकेको समन्वयमा निकुञ्जलाई पर्यटन प्रर्वद्धनमा अगाडी बढाउन गरिएको छलफलमा प्रमुख शाहले आफ्नो कार्यकालमा बाँके निकुञ्जलाई पर्यटकको केन्द्र बनाउने बताउनु भएको हो ।
पर्सा राष्ट्रिय निकुजबाट भरखरै सरुवा भएर बाँके निकुञ्जको जिम्मेवारी सम्हाल्न आउनु भएका प्रमुख शाहले वन, वन्यजन्तु, जैविक विविधता संरक्षण, मानव तथा वन्यजन्तु बिचको सम्बन्ध तथा बाँके राष्ट्रिय निकुञ्जलाई पर्यटन–पर्यावरणीय रुपमा गरिने वृद्धि विकासका विषयमा आफु गम्भिर भएको बताउनुभयो ।
शाहले प्रकृतिलाई विषय बनाएर प्रशस्त खोज मुलक समाचार प्रकाशन÷प्रशारण गर्न सक्ने थुप्रै विषय वस्तु रहेको बताउनुभयो । ‘कान्छो निकुञ्जको रुपमा स्थापना गरिएको यो निकुञ्जको प्रचारप्रसार पनि कान्छो नै जस्तो भएको देखिन्छ । तर बाँके राष्ट्रिय निकुञ्जमा आन्तरिक र बाह्य दुवै पर्यटकलाई आकर्षित गर्नका लागि यहाँका प्रकृतिलाई विषय बनाएर प्रशस्त खोज मुलक समाचार प्रकाशन÷प्रशारण गर्न सक्ने थुप्रै विषय वस्तुहरु छन् ।’ उहाँले भन्नुभयो ।
निकुञ्ज प्रमुख शाहले पर्यावरणीय विषयवस्तुमा कलम चलाउन बाँकेका सञ्चारकर्मीलाई आग्रह गर्नुभएको थियो । उहाँले विश्वका धेरै देशहरुले पर्यटन–पर्यावरणमा गरेको प्रगति सुनाउँदै वन, वन्यजन्तु तथा जैविक विविधता संरक्षणका विषयमा दृष्टिकोण बदल्न जरुरी भएको बताउँदै यसमा सञ्चारकर्मीको भूमिका महत्वपुर्ण रहेको उल्लेख गर्नुभयो । छलफल पछि पत्रकार महिलाहरुलाई निकुञ्ज सफारी गराईएको थियो । रुपनी जि एम रासस
Discussion about this post